Gana un biahe di 4 persona ku tur gastu pagá pa Disney Land Digicel ta regalando mas ku 27 mil florin na premio e Pasku aki!
Gana un biahe di 4 persona ku tur gastu pagá pa Disney Land
Digicel ta regalando mas ku 27 mil florin
na premio e Pasku aki!
WILLEMSTAD: Den un enkuentro ku prensa djaluna atardi na su megastore na Biesheuvel, Digicel a presentá su kampaña di fin di aña. E Pasku aki, Digicel lo ta regalando mas ku 27 mil florin na premio. Kamilla Foendoe, di Digicel a elaborá riba e kampaña anunsiando hopi promoshon i evento pa henter famia. Mester bisa ku e kampaña aki lo ta paralelo ku Boneiru i Aruba. “Nos ke gradisí nos klientenan pa nan preferensia den Digicel, un aña fruktífero i kampañanan eksitoso. Nos sá ku e famia di Digicel a bin ta spera e kampaña di Pasku ku hopi espektativa. E aña aki nos ta regalando mas ku 27 mil florin na premio durante henter e temporada pa klientenan di Digicel Kòrsou.”
Mas di 27,000 florin na premio!
Lo tin diferente premio e Pasku aki ku sigur lo animá henter famia! E promé premio lo ta un biahe pa Disney Land pa 4 persona ku tur gastu pagá (biahe, entradanan di parke, sèn pa gasta i estadia den hotèl.). E di dos premio ta 2x PS5 i 2 TV- akinan 2 persona lo gana kada un 1xPS5 kompañá pa su televishon. E terser premio ta un iPhone 15 Pro. Banda di esaki, tur djaweps lo saka ganador pa diferente ‘gift cards’. Digicel lo kontaktá tur hende ku ‘suich’, kumpra un Prime Bundle òf sera un plan Postpago. Klientenan ku un plan Postpago aktivo ta partisipá outomátikamente. Keda pendiente pa un yamada di Digicel #690-0035, esaki por ta é yamada ganador!
Ofertanan di bèrdè bèrdè:
E premionan fantástiko ku Digicel tin den su kampaña di Pasku ta keda kompañá pa algun tremendo oferta. Tur esnan ku un plan Postpago, por skohe un regalo ku su plan nobo i skohe entre 50% di deskuento pa 3 luna riba su resibu òf un Samsung A24 nobo. Tuma nota ku e Samsung A24 ta spesialmente p’e kampaña aki! P’esnan ku tin un Prepaid- Prime Ultra Bundle, (data i yamada) tambe tin premio! Aktivá un Prime Ultra Bundle di 5 dia ku yamada ilimitá pa 25 florin i gana premio. Por hasi esaki fásilmente den e MyDigicel app. Spesialmente pa hóben tin un oferta ku niun mayor por ignorá; Un smartphone nobo! Aktivá un plan di 7 dia òf 30 dia i haña e selular DL4s pa solamente 99 florin . Pa registrá e hóben, mester bishitá Digicel ku un adulto. E tiner lo risibí èkstra data pa Tik Tok, Instagram, Youtube, W’app, i Netflix. Banda di esaki, Digicel tin un oferta riba SIM; Kumpra 1 SIM pa solamente 25 florin i haña e di 2 regalo. Kompartí yamada pa 6 luna i risibí 10 minüt grátis tur dia pa sigui yama. Tur e ofertanan menshoná ta elegibel pa gana e premionan espektakular di e kampaña!
Selebrá Huntu ku Digicel
Pa asentuá e temporada di Pasku Digicel lo tin su tradishonal nochinan di kompra, dianan 7, 14 i 21 di desèmber ku hopi oferta! Digicel Megastore na Biesheuvel lo ta habrí te ku 8’or di anochi. Ta invitá klientenan keda pendiente ya ku tin mas evento i promoshon durante henter desèmber, kuminsando djárason dia 29 di novèmber. Esaki t’e dia ku Digicel ta aktivá di bèrdè bèrdè mes! Tur elemento i aksènt di Pasku lo keda añadí na e kampaña; kolornan bèrdè i kòrá lo ta masivo!
