KOMUNIKADO DI PRENSA 561/2023
29 novèmber 2023

Detenshon pa maltrato

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 28 di novèmber 2023, alrededor di 15.02’or, Sentral di Polis a dirigí un unidat di warda di polis di Otrobanda pa un hotèl den área di Pater Eeuwensweg, pa un pareha ku tabatin problema ku otro.
Na yegada di e unidat, el a bin topa ku un pareha ku tabatin diskushon ku otro.
E diskushon a bai for di man i e hòmber lo a maltratá e dama.
Na e sitio polis a detené e hòmber Y.J.P.v.L., di 26 aña di edat nasé na Hulanda, pa e
maltrato ariba menshoná.
A presentá e sospechoso dilanti un fiskal ouksiliar ku a ordená enkarselamentu di e
sospechoso pendiente di mas investigashon.