FFK KU BISHITA DI FIFA PA KÒMBERSÁ I YEGA NA POSIBEL SOLUSHONNAN PA MEHORÁ E SITUASHON FINANSIERO DI FFK!
FFK KU BISHITA DI FIFA PA KÒMBERSÁ I YEGA NA POSIBEL SOLUSHONNAN PA MEHORÁ E SITUASHON FINANSIERO DI FFK!
Di 27 pa 29 di novèmber 2023, Hervé Blanchard, Lead Regional Office of Member Associations Americas/Associations Membres Amériques di FIFA i Jordan Victoire, MA Development Manager Member Associations Americas ku tambe ta di FIFA tabata di bishita na FFK i a hiba diferente kòmbersashon relashoná ku e situashon finansiero, relato finansiero i proyektonan di FFK. Un ehèmpel di esaki ta ku a logra finalisá e proyekto di ‘financial clean up’ ku direktiva, ofisina di FFK i FIFA a inisiá for di dezèmber 2022, ku lo redusí e debenan di pasado drástikamente den un biaha.
No ta deskonosí ku FFK ta pasando den momentunan un tiki difísil finansieramente. Direktiva di FFK den su afan pa mehorá esaki ta buskando diferente alternativa ku posibel solushonannan pa esaki. Netamente pa e motibu aki, e representantenan di FIFA tei na Kòrsou pa por papia i interkambiá di idea riba e situashon aki i kon pa trese mehoransa.
Presidente di FFK, Ramiro Griffith, Naïsha Santiago kende ta e FIFA Forward Programme Coordinater i e finance manager interino di FFK, Jeannemely Tong-Felix, a reuní p’asina yega na posibel solushonnan i inkluso bin ku proyektonan ku nos por implementá pa generá fondo di FIFA i kuminsá mehorá e situashon finansiero. Tur e seshonnan ku representantenan di FIFA i FFK a bai hopi bon i FIFA ku FFK ta hopi positivo pa ku e situashon ku tiki tiki pero sigur lo bira mihó den un futuro serkano.
Ta e intenshon pa den futuro sigui ku e tipo di bishitanan aki pa drecha nos situashon i mantené esaki stabil p’asina sigui traha riba e desaroyo di futbòl aki na Kòrsou.
30 novèmber 2023
