KOMUNIKADO DI PRENSA 567/2023
3 desèmber 2023

Klousura kurso básiko di Inteligensia

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den e afan pa kombatí kriminalidat, traha dirigí riba informashon ta sumamente
importante. Esaki ta enserá ku organisashonnan ta kompilá konosementu i analisá esaki pa
a base di desishonnan bon ekilibrá, tuma desishonnan tokante di atendementu ku
problematikanan ku tin di haber ku seguridat.
E kolegio di hefenan di e diferente kuerponan polisial den e parti Karibense di reino ya ta
invertiendo pa un tempu kaba den reforsá e proseso di informashon den e kuerponan, pa
medio di e proyekto ‘Doorontwikkeling van de Informatie Organisaties Cariben (DIOC).
Banda di invershon den medionan i prosesonan, e proyekto ta dirigí tambe den formashon
di e personal.
Djabièrnè promé di desèmber 2023, a entregá diploma na partisipantenan ku a sigui e kurso
básiko di inteligensia (Basis Opleiding Intelligence, BOI), ku ta un kurso spesial pa e proseso
di informashon. E kurso aki ta enserá tres módulo di kada un dos siman i ta dirigí riba e
personal ku tin un ròl importante den e proseso di informashon.
Durante di e kurso, e partisipantenan a haña konosementu riba diferente aspekto di e
proseso di informashon manera kiko ta enserá e materia informashon, kon un organisashon
di informashon ta funshoná, e produktonan ku un organisashon di informashon ta entregá,
kon ta yega na e produktonan aki i e funshon di un kordinadó di informashon.
Alabes e partisipantenan mester a atendé ku kasonan i hasi un presentashon.
E kurso a keda duná pa dosentenan John Bloebaum, un spesialista operashonal di
inteligensia i Rolf Dautzenberg, èks hefe di sektor di Inteligensia. E 16 partisipantenan na e
kurso aki tabata prosedente di e kuerponan polisial di e parti Karibense di reino,
Wardakosta i Koninklijke Marechaussee.
E echo ku tabatin representashon di e diferente kuerponan, lo sòru sin duda pa un bon
koperashon entre e entidatnan di e diferente islanan riba tereno di informashon.
Den futuro lo tin e kurso aki adaptá tambe na nivel di esnan ku ta duna guia