AMAK A TUMA NOTA DI FAYESIMENTU DI SR. JAPI MARTIJN

 

AMAK A TUMA NOTA DI FAYESIMENTU DI SR. JAPI MARTIJN

 

WILLEMSTAD — Direktiva di AMAK a tuma nota di fayesimentu di  Sr. Japi Martijn, músiko  i tambe eskritor farandulero  ku a dokumentá historia musikal di Kòrsou  den un forma hopi ekstenso.

Esaki tambe ta un di e historianan hopi importante ku den e kolekshon di Historia Musikal di Kòrsou di añanan 30 te ku aña ’89.

Sr. Japi Martijn tabata un músiko ku komo pianista a forma parti di diferente agrupashon musikal i tabata konosí espesialmente pa e forma ku e tabata interpretá boleronan di di dékada 30 pa 60.

Sr. Japi MArtijn tabata un persona hopi kritiko i semper e tabata ekspresá su opinionnan  den  forma spontáneo i kritiko.

Direktiva di AMAK a rekonosé e gran obra literario musikal kualnan tabata: Kòrsou Musikal tomo 1 i 2, den kual den un forma hopi profeshonal i ku ilustrashon a deskribí hopi detayá historia musikal di espesialmente gruponan musikal i tambe músikonan individual ku a destaká  den añanan ’30 pa ’89. Komo tal  na aña 1993 direktiva di AMAK a rekonosé Sr. Martijn i a dun’e un pen di mérito.

Sr. Japi Martijn sigur durante último añanan tabata konfrontá problemanan di salú i nos ke duna rekonosementu aki  na e forma ku spesialmente su Sra. Efrima Martijn Gonet i de mas famianan tabata sostené durante su kebrante di salú.

Direktiva di AMAK ke deseá famianan forsa ku e pèrdida sensibel aki i ku alma sosegá na pas.

Direktiva di AMAK