KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Dos detenshon den kaso di atrako

KOMUNIKADO DI PRENSA 571/2023
5 desèmber 2023

Dos detenshon den kaso di atrako

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku investigashon relashoná ku un kaso di atrako ku arma di kandela ku a tuma lugá dia 16 di òktober 2023 na un establesimentu den Soembu, polis a hasi dos detenshon.
Djamars 5 desèmber 2023 alrededor di 04.30’or di mainta, Tim di Aresto a hasi detenshon di e hòmber sospechoso R.J.G.S., di 24 aña di edat nasé na Kòrsou, na su kas den área di Soembu.
Alrededor di 04.57’or polis a bai na un kas den área di Klein Sta. Martha pa e di dos
detenshon, di e hòmber sospechoso L.G.V., di 29 aña di edat nasé na Kòrsou.
Durante di e dos detenshonnan na e adrèsnan ariba menshoná Tim di Atrako a tene
entrada hudisial i durante di e entradanan hudisial a haña i konfiská artíkulonan ku ta di importansia pa e investigashon.
A presentá e duo sospechoso dilanti un fiskal ouksiliar ku a ordená nan enkarselamentu pendiente di mas investigashon.

 

639114718427035"
639114718427035"