TEST DI PREPARASHON PA POR OUMENTA KONFIABILIDAT DI RET A KOUSA KU ALGUN BARIO A PERDE KORIENTE

TEST DI PREPARASHON PA POR OUMENTA KONFIABILIDAT DI RET A KOUSA KU ALGUN BARIO A PERDE KORIENTE

Willemstad 4 di desèmber 2023- Aqualectra ta hasiendo tèstnan di preparashon nesesario pa por oumentá e konfiabilidat di nos ret di distribushon.  Parti di esaki ta tèst funshonalidatnan di e diferente konekshonnan prinsipal riba e ret di distribushon.  No opstante ku esaki ta tuma lugá ku tur e deligensha nesesario, esaki awe tòg tabatin komo konsekuensha ku na dos okashon klientenan ku ta konektá riba e supstashonnan di Nijlweg i Parasasa a pèrdè koriente.

Durante di e próksimo simannan lo sigui realisá e tipo di tèstnan preparativo pa perkurá ku funshonalidatnan di nos sistema di protekshon ta na lugá. Aqualectra ta hasi su máksimo pa evitá e tipo di insidentenan aki. Den kaso ku esaki pasa mes ta hasi lo máksimo pa mas pronto posibel re-establesé koriente pa e barionan ku a pèrdè koriente.