KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

PAR selebrando 30 aña di eksistensia

PAR selebrando 30 aña di eksistensia

 

PAR a wòrdu funda 14 desèmber 1993 dor di Miguel Pourier qepd, ku e meta pa tene antia huntu i manteniendo lasonan fuerte ku tur partnernan den Reino.

14 desèmber 2023, PAR ta selebrá su di 30 aniversario, kanando den pasonan di Miguel Pourier qepd i nabegando e diferente retonan ku aña 2023 i futuro di pais ta trese kuné.

Den 2023 PAR ta keda mesun stabil den un mundu dinámiko i esaki ta danki na e balornan klave ku PAR a konstruí su fundeshi riba dje. Balornan manera union i koperashon, integridat i honestidat, empatia, rèspèt, responsabilidat propio i sivismo. E balornan aki ta loke ta definí  PAR i ta e motibu pa kua komunidat ta konfia den nos. Felisidat i desaroyo duradero di e hende i su famia ta para sentral den esaki.

Ta riba e balornan aki lider polítiko Quincy Girigorie ta sigui konstruí e PAR di awe i futuro.

Ku e selebrashon di 30 aniversario di PAR lo inisiá 1 aña largu di selebrashon. Nos ta selebrá 30 aña di ta parti di komunidat i desaroyo di Kòrsou, pero tambe nos ta inisiá un fase nobo di PAR den e tempu di awe.

E selebrashon dia 14, lo tuma lugá dilanti di sede di PAR na Fokkerweg. E sede aki ta kas di PAR for di inisio i no tin nada mas bunita ku riba e dia aki, nos para ketu na pasado, presente  i futuro di PAR.

Pa medio di esaki direktiva di PAR i lider polítiko, sr Quincy Girigorie ta invitá henter komunidat di Kòrsou pa bin selebrá huntu ku nos. Riba e anochi aki, nos lo para ketu na 30 aña di historia di PAR i alabes Quincy Girigorie lo dirigí palabra na tur presente i kompartí su vishon pa futuro di partido i di nos komunidat en general. Tambe na e okashon aki lo duna un rekonosementu na un kantidat di persona ku a hasi un kontribushon positivo na Kòrsou.

Bo ta keda invitá 14 di desèmber 2023 na Sede di PAR. Pa mas informashon por sigui página di Facebook i Instagram di PAR.

 

639114718427035"
639114718427035"