PROMÉ MINISTER GILMAR PISAS A HIBA UN KOMBERSASHON KU PRESIDENTE DI REPÚBLIKA DOMINIKANA
PROMÉ MINISTER GILMAR PISAS A HIBA UN KOMBERSASHON KU PRESIDENTE DI REPÚBLIKA DOMINIKANA
Willemstad – Promé Minister Gilmar Pisas a sera konosí i hiba un komberashon ku Presidente di Repúblika Dominikana sr. Luis Abinader dia 7 di mei 2022 na Costa Rica.
Presente na e okashon aki tabata tambe Minister di Relashonnan Eksterior di Repúblika Dominikana sr. Roberto Alvarez, Embahador di Repúblika Dominikana na Costa Rica sra. Mayerlyn Cordero Diaz i Minister Atministrativo di e presidensia sr. José Ignacio Paliza.
Promé Minister sr. Pisas a haña e oportunidat pa sera konosí ku e presidente i su delegashon. Alabes a hiba un kombersashon ku Presidente di Repúblika Dominikana riba hopi punto ku por sirbi i benefisiá nos pais.
E presidente a pidi Promé Minister sr. Pisas pa traha un lista di lokenan ku nos ke risibí asistensia, di nan banda, riba dje.
Pa ku palabrashonnan ku tin pendiente (e.o. tratado komersial) e presidente lo laga un delegashon bini Kòrsou pa por kaba di konkretisá esakinan.
E kombersashon a kana den un ambiente hopi ameno.
