KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Regisornan di Bario ta sigui ‘training’ na Miami

Regisornan di Bario ta sigui ‘training’ na Miami
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 12 di desèmber 2023, sinku regisor di bario (Buurtregisseur) a sali pa Miami, na
unda nan ta bai sigui un ‘training’ na Miami Dade School of Justice na Miami, Florida.
Ta trata di un ‘training’ ku ta hiba di nòmber ‘Community Oriented Policing’ (COP) i ku ta kuadra hustamente den e esfuersonan ku tantu gobièrnu komo Tim di Maneho di Kuerpo Polisial a bini ta hasi, pa duna un mihó kontenidao i struktura na e trabou di e regisor di bario.
Paisnan grandi ya ta trahando pa basta tempu ku e konsepto aki i ta un forma hopi direkto, kaminda huntu ku organisashonnan den bario ta atendé integral ku molèsternan i aktividatnan kriminal.
E regisor di bario ta fungi komo e laso entre bario i kuerpo, pa di un banda proveé kuerpo di e informashonnan di bario, pa asina ei di e otro banda kuerpo huntu ku e otro instansianan gubernamental i no gubernametal, por traha riba plannan di atendementu pa e bario.
Di e forma ei huntu, ta hisa e kalidat di bida i seguridat den barionan.
Durante di e ‘trainingnan’ na Miami, e regisornan di bario lo bishitá diferente proyektonan den barionan, lo haña un kuríkulo ku ta trata prevenshon di krímen den un diseño ambiental.

 

639114718427035"
639114718427035"