KOMUNIKADO DI KUERPO POLISIAL KÒRSOU Dos detenshon relashoná ku ladronisia.

KOMUNIKADO DI KUERPO POLISIAL KÒRSOU
184 / 2017
5 yüni 2017
Dos detenshon relashoná ku ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 4 di yüni 2017, alrededor di 04.21 or di mardugá, Sentral di Polis a risibí
notifikashon ku deskonosínan ta hòrtando den un edifisio den konstrukshon na Van
Engelenweg. Polisnan ku a yega na e sitio a topa ku un hòmber sintá den un vehíkulo banda
di e edifisio i un otro hòmber ku a kuminsá kore pa bai for di e sitio. Polis a duna e
sospechoso òrdu pa e para, despues ku e no a sigui e òrdu, polis a lòs un tiru di atvertensia
ku a duna e resultado deseá. Kontinuando ku e investigashon aki, a hasi chekeo den e
vehíkulo. Den e vehíkulo aki e agentenan a haña diferente material di konstrukshon i
tambe artíkulonan di koriente. Na e sitio a detené e hòmbernan R.L.E. di 26 aña di edat i
K.D.M. di 45 aña di edat, ámbos nasé na Kòrsou komo sospechoso di ladronisia.
Polis a konfiská e materialnan di konstrukshon, artíkulonan di koriente i tambe e outo pa
mas investigashon.
A presentá e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: