TEMPORADA PA REGLA PÈRMIT DI PREKARIO KARNAVAL 2024 EKSTENDÉ
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TEMPORADA PA REGLA PÈRMIT DI PREKARIO KARNAVAL 2024 EKSTENDÉ
PUBLIKÁ RIBA 14 DESÈMBER 2023
Willemstad- Prekario Karnaval 2024 i Servisio pa Planifikashon Urbano ta informá ku ta ekstendé temporada pa regla derechi di pèrmit di Prekario Karnaval 2024.
Registrashon i pago di Prekario pa karnaval 2024 a habrí dia 20 di novèmber ku diferente sekshon pa registrá te ku 15 di desèmber. Pa motibunan imprevisto ku a presentá, tim prekario ta ekstendé e temporada di registrashon i pago di prekario pa karnaval 2024 ku 1 siman mas. Awor ta posibel pa hasi registrashon i pago di Prekario pa karnaval 2024 te ku djabièrnè 22 di desèmber 2023.
Na tur persona ku ahinda no a registrá i hasi pago di prekario pa karnaval 2024, probechá di e tempu èkstra aki, registrá i paga ya asina bo tambe ta kla pa karnaval 2024.
Registrashon por tuma lugá kompletamente online. Tur kliente ku registrá ta risibí un e-mail ku instrukshon pa registrashon i pago. Kliente ku no risibí mail, por manda un e-mail na info.prekario@gobiernu.cw òf por WhatsApp na number +59995113874 huntu ku un foto/kopia di sédula i e-mail adrès korekto. Por hasi uso di e mail i whatsapp tambe pa pregunta general.
