Kuater detenshon relashoná ku kiebro i ladronisia
KOMUNIKADO DI PRENSA 599/2023
15 desèmber 2023
Kuater detenshon relashoná ku kiebro i ladronisia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku varios kaso di kiebro i ladronisia den diferente negoshi ku a tuma lugá den
luna di mart 2023, e tim ku ta enkargá ku investigashon di ladronsisia i kiebro a realisá
kuater detenshon mas.
Djabièrnè 15 di desèmber 2023 alrededor di 05.45’or, Tim di Aresto a hasi detenshon na
Saonaweg di e dama R.C.S.O., di 22 aña di edat nasé na Kòrsou i e hòmber J.F.E.M., di 34 aña di edat nasé na St.Eustatuis.
Despues a bai na Guanaweg i einan e Tim di Aresto a hasi e di tres detenshon di e hòmber D.M.N., di 41 aña di edat nasé na Kòrsou.
Por último e Tim di Aresto a bai na Haitiweg i a hasi e di kuater detenshon di e
hòmber S.E.R., di 26 aña di edat nasé na Kòrsou.
Despues di e detenshonnan aki Atrako Tim a tene entrada hudisial na diferente adrès.
Ta trata di:
Dos kas na Desiradaweg;
Noord Roosendaal;
Carriacoaweg;
Kaya Chillin;
Roraimaweg
Durante e entradanan hudisial a haña i a konfiská artíkulonan di importansia pa e
investigashon.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon

