KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Detenshon pa ladronisia i resistensia na detenshon

KOMUNIKADO DI PRENSA 605/2023
16 desèmber 2023

Detenshon pa ladronisia i resistensia na detenshon

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 15 di desèmber 2023 alrededor di 18.40’or, un hòmber a yega na warda di polis
na Otrobanda i indiká ku deskonosínan a kibra den su kas i bai ku un telefòn selular di dje.
Ademas e hòmber lo mester a señalá e sospechoso ku a kue e telefòn riba Brionplein.
Mesora polis a bai ku e víktima riba Brionplein kaminda ku a bin topa ku e sospechoso.
Polis a bai hasi su detenshon, pero e hòmber aki a resistí i a trata na kore bai.
Sinembargo polis a logra detené i entreg’é na warda di reshèrshi, mientras ku a konfiská e
telefòn ku e tabatin den su poder pa mas investigashon.
Ta trata di e hòmber D.P. di 19 aña di edat nasé na Kòrsou.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

 

639114718427035"
639114718427035"