Sero toleransia pa esnan ku tacha òrdu públiko
KOMUNIKADO DI PRENSA 604/2023
16 desèmber 2023
Sero toleransia pa esnan ku tacha òrdu públiko
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kuerpo Polisial ke bolbe suprayá ku e intenshon di e akshon ‘Fin di aña sin zanzaña’ no ta pa
molestiá komunidat, pero hustamente pa garantisá un fin i kambio di aña, sin problema,
insidente òf situashonnan di lamentá.
P’esei nos ta pidi bo komo siudadano pa duna bo koperashon máksimo na e puntonan di
kontròl, pa asina si no tin ningun partikularidat, mas lihé posibel bo por sigui bo
destinashon.
Semper tin un grupo chikí, ku lamentablemente tin otro propósito i konsientemente ta
aktua kontrario na e instrukshonnan ku ta keda duná, ku ta pa sigurá ku òrdu públiko ta
keda mantené.
Algun persona ku ke kita privasidat di otronan i stroba e bon desaroyo di e bida ‘cotidiano’,
ta trata na intimidá outoridat i aktua empugna ku nos reglanan i leinan establesí.
Pa e gruponan aki Kuerpo Polisial ta apliká sero toleransia, pasobra bou di ningun
sirkumstansiá ni polis ni ningun di su partnernan den mantenshon di òrdu públiko lo
sukumbí pa esnan ku ke kita trankilidat di e komunidat i ambiente di pas i festividat ku
mester tin den e fin di aña aki tambe.
Sinseramente e speransa ta ku tur hende lo sa di gosa, selebrá i disfrutá, kedando semper
den kuadro di loke ta aseptabel i permisibel, ku rèspèt unu pa e otro.

