Gabinete Pisas ta bolbe manipulá: Refineria Edition
Gabinete Pisas ta bolbe manipulá: Refineria Edition
Lider polítiko di PAR sr Quincy Girigorie su promé reakshon ora e la tende e último riba refineria ta pa stòp di manipulá i insultá inteligensia di e Pueblo!
Ku esaki e ta hasi atrobe un supliká riba e gobièrnu aktual ku tin komo modus operandi di tira santu den wowo di nos pueblo i no ta goberná di forma transparente.
Den 2019 pa ta mas eksakto 31 di desèmber 2019 despues ku e kontrakt ku PDVSA a terminá na 31 di desèmber 2019, RdK na e momentu ey bou di guia di Chonky De Llannooy a claim PDVSA kasi 1 miar dollar di debe na mantenshon atrasá i otro debenan na RdK.
E claim ei a kana den arbitrahe te 2023 i ku e notisia den media ta mustra ku RdK i PDVSA a yega un akuerdo pa loke ta trata e debe ei, aseptando krudo komo pago.
Gabinete Pisas ta bolbe manipulá i purba insultá inteligensia di pueblo di Kòrsou dor di “claim” ku a yega na akuerdo ku PDVSA pa operá refineria.
Ku a yega na un akuerdo ta di aploudí. Esaki danki na Chonky de Llannooy (i Eugene Rhuggenaath) ku a tuma e desishon na 2019 pa pone e claim riba PDSVA pa asina toch logra hanja loke PDSVA ta debe na Korsou.
Un pregunta interesante ku PAR ta hasi ta ku si den e akuerdo aki, RdK ta manda bèk e petroli hòrta ku tin na Bullenbaai?
Rdk komo parti di e deal lo sigui risibí 450 mion dollar na petroli for di PDVSA durante 10 aña, ku por bende riba merkado internashonal i por usa pa rafina, momentu ku i si yega na un operadó nobo pa Refineria.
Pa hasi esaki mester tene kuenta ku invershonan grandi den mantenshon atrasá di instalashonnan di refineria, paso ta hustamente esaki ta e motibu di e claim.
Si no invertí, no por operá niun refineria.
Pa loke ta trata posibel operadó nobo, manera a anunsiá, ta negoshando ku Oryx Petroleum i mester bisa ku NI due diligence no ta kla, te pa yega na akuerdo pa operashon.
Kiermen NO a yega na operadó nobo pa refineria. Ta e claim bieu (2019) di RdK a yega na palabrashon pa paga. Stòp di insultá inteligensia di e Pueblo por fabor.
Por sierto, ki dia ta hiba esnan responsabel pa hinka petroli di kontrabanda di Venezuela den tanki na Bullenbaai pa hustisia?
