Introdukshon di florin karibense 31 di mart 2025

Introdukshon di florin karibense 31 di mart 2025

WILLEMSTAD/PHILIPSBURG – Introdukshon di florin karibense lo tuma lugá dia 31 di mart 2025.
Centrale Bank van Curaçao en Sint Maarten (CBCS) ta ofresé su diskulpa pa kualke posibel
konfushon ku por a surgi relashoná ku e fecha di introdukshon debí na publikashon di su Informe
Anual 2022 dia 29 di desèmber último.
Hunta di Komisario (HdK) di CBCS a kompletá i aprobá e informe finansiero pa 2022 for di yüli
2023. Na e momento ei, e tempu fihá pa introdukshon di florin karibense tabata di dos mitar di
2024. Sin embargo, entretantu, den konsulta ku e bankonan komersial, e fecha planiá pa e
introdukshon a keda posponé definitivamente pa 31 di mart 2025. No por a adaptá e dato akí den
e Informe Anual debí ku HdK di CBCS a aprobá e informe kaba.
Despues ku Pais Kòrsou i Pais Sint Maarten a aprobá e Informe Anual dia 22 di desèmber 2023,
CBCS a publiká e rapòrt dia 29 di desèmber 2023 sin hasi niun kambio na e teksto.
Willemstad, 4 di yanüari 2024
CENTRALE BANK VAN CURAÇAO EN SINT MAARTEN