Ta mantené kambionan den skema di Abatuar na Parera en konekshon ku trabounan di mantenshon te ku 3 di òktober

 

 

Ministerio di Salubridat,
Medio Ambiente i Naturalesa ta partisipá ... 

Ta mantené kambionan den skema di Abatuar na Parera en konekshon ku trabounan di mantenshon te ku 3 di òktober

Willemstad – Asuntunan Veterinario (UO VZ) a adaptá dianan di sakrifisio di animal na Abatuar Parera di e siguiente forma;

•   Te ku djabièrnè dia 3 di òktober no tin matansa di animal na Parera;
•   Djaluna 22 di sèptèmber, Djárason 24 di sèptèmber i Djabièrnè 26 di sèptèmber tin
      matansa di kabritu i karné na Barber;
•   Djaluna 30 di sèptèmber, Djárason 1 di òktober i Djabièrnè 3 di òktober tin matansa
      di kabritu i karné na Barber;
  ●   Matansa di kabritu i karne riba Djadumingu na Barber ta sigui normal;
•   Djaluna dia 6 di òktober lo reanudá servisio normal di matansa di animal na Parera.

 

Esaki relashoná ku trabounan di mantenshon ku mester kaba di tuma lugá na Abatuar na Parera. 

Asuntunan Veterinario ta pidi diskulpa pa kualke inkumbiniensia ku e kambionan aki por trese kuné pa e klientenan.

 

Por bèl òf whatsapp na number +5999-677 1131 pa traha sita dos (2) dia delantá.

Ministerio di Salubridat, Medio Ambiente
i Naturalesa ta sigui informá bo.