Petishon pa informashon tokante kaso di ladronisia di outo

KOMUNIKADO DI PRENSA 008/2024
9 yanüari 2024

Petishon pa informashon tokante kaso di ladronisia di outo

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den e periodo entre 4 di novèmber 2023 alrededor di 21.30’or i 5 di novèmber 2023 pa mas o menos 04.20’or, deskonosínan a bai ku un Kia Rio koló blanku di fabrikashon 2014 numerá R/73-85 for di un adrès na Kaya Barbulètè.
Polis ta supliká kualke persona ku por tin informashon di e ladronisia aki òf ku por rekonosé e dos personanan riba e video aki, pa tuma kontakto ku polis na e departamentu ku ta investigá ladronisia di outo na 7246229/7246230 òf 917 òf e number anónimo 108.