MI BRASA: MAS KU MIL PALABRA

WILLEMSTAD –  Minister di Enseñansa, Siensia, Kultura i Deporte (ESKD) sr. Sithree van Heydoorn a risibí e kandidatonan pa Rei i Reina Tiner 2024: Tyrese Candelaria i Dianthely Pourier. E duo akí a traha riba un produkshon huntu ku Curaçao Carnival Royalty. E produkshon titulá: Mi Brasa: Mas Ku Mil Palabra, ta enfoká riba prevenshon di violensia na skol.

Mi Brasa ta un manual di prevenshon di violensia na skol. Den esaki ta duna splikashon di vários aspekto di violensia ku nos ta mira na skol i riba medio di komunikashon sosial, manera violensia físiko, -verbal, -sikológiko i -sibernétiko. Tur esaki tin hopi influensia den nos komunidat i nos ta mira esaki reflehá na skolnan. P’esei e hóbennan akí a traha riba un manual pa yuda ku solushon pa medio di un manual/programa di edukashon i konsientisashon ku ta guia studiante i maestro pa por rekonosé violensia i asina traha riba esaki for di tempran. 

Minister di ESKD sr. Sithree van Heydoorn a keda sumamente kontentu ku e manual i sigur ta tuma e manual akí komo un inisiativa positivo. 

— 

KOMUNIKASHON 

*Riba e potrètnan athunto por tuma nota di e bishita na kabinèt di Minister sr. Sithree van Heydoorn.