PROMÉ MINISTER A risbí e Embahador di Reino na Washington i e konsùl general na Miami

PROMÉ MINISTER A risbí e Embahador di Reino na Washington i e konsùl general na Miami

 

Willemstad – Promé Minister sr. Gilmar Pisas a risibí e Embahador di Reino establesé na Washington sra. Birgitta Tazelaar i e Kònsùl General di Reino establesé na Miami sra. Lisette den Breems dia 15 di yanüari 2024.

 

E bishita aki tabata unu di kortesia kaminda e Embahador di Reino establesé na Washington i e Kònsùl General di Reino establesé na Miami por a sera konosí ku Promé Minister sr. Gilmar Pisas.

 

Durante di e bishita aki a kompartí informashon riba diferente tema manera entre otro Venezuela, Refineria, e licensianan di OFAC, e rating di Merka relashoná ku e raport di trafikashon i kontrabanda di hende, ku a postulá Kòrsou na nivel 3, postulashon di un representante di parti Kòrsou na Washington i tambe kon e relashon i funshonamentu di ofisina na Washington ta pa ku atendimiento di asuntunan pa Kòrsou.

 

E Embahador lo bishitá tambe diferente otro minister di Gabinete Pisas II i tambe diferente entidat di Gobièrnu durante su estadia aki na Kòrsou.

E bishita lo ta di 14 di yanüari te ku 16 di yanüari 2024.

 

E kombersashonnan a kana den un bon esfera.