Despues di hopi aña a drecha playa di Piskadera i pone fasilidatnan nobo  

Despues di hopi aña a drecha playa di Piskadera i pone fasilidatnan nobo  

Willemstad – Manera ya ta konosí, Ministerio di Salubridat, Medio Ambiente i Naturalesa ta sigui ku “upgrading” di nos playanan. Minister di Asuntunan General enkargá ku Agrikultura, Medio Ambiente i Naturalesa señor Gilmar Pisas e aña aki tambe ta sigui ku su prioridat pa drecha nos playanan ku pa hopi aña a wòrdu neglishá. E biaha aki a toka turno na playa di Piskadera.

Playa di Piskadera tin hopi aña sin haña atenshon i p’esei mester a laga loader egalisá e suela i saka fundeshi di palapa bieu for di den laman. Despues a basha vloer di betòn i instalá banki ku dak di eternit na lugá di palapa pa evitá vandalismo. E dak di eternit ta muchu mas duradero i ta resaltá ku e koló blow. Bunita bista pa pueblo di Kòrsou i bishitantenan ku ta biniendo Kòrsou na gran kantidat. Riba promé 2 potrètnan por mira “before” i despues por mira e “after”. Por mira tambe Minister Pisas huntu ku hefe interino di AVB señor Marshal Sambo, señores Constancia i Gabriel di AVB i señora Rios di CC Services NV ku a ehekutá e proyekto.