‘ALIGNMENT’ PA REALISASHON DI MINISTER COOPER SU PLANNAN PA 2024
MINISTERIO KONSERNÍ TRÁFIKO, TRANSPORTE I PLANIFIKASHON URBANO
‘ALIGNMENT’ PA REALISASHON DI MINISTER COOPER SU PLANNAN PA 2024
PUBLIKÁ RIBA 17 YANÜARI 2024
Willemstad – 2024 lo ta un aña kargá ku diferente trabou importante pa pais Kòrsou pa loke ta trata tráfiko, transporte i infrastruktura. Minister Charles Cooper a reuní ku su tim di maneho, konseheronan, i hefenan di servisio pa asina deliniá plannan i strategia pa 2024. Esaki ta sigur un bon komienso di aña.
Algun punto spesífiko ku a resaltá ta:
– Mantenshon di kaya den diferente barionan rònt Kòrsou
– Drecha diferente kaminda di tera
– Atendé ku kambio di lei den transporte públiko, i sigui mehorá servisio na públiko
– Sigui dil ku konstrukshon ilegal i okupashon ilegal di tereno di gobièrnu ku man duru
– Aselerá proseso pa otorgamentu di pèrmit di konstrukshon
– Reforsá servisionan ku personal kapasitá
– Introdukshon di Passenger Safety Oversight Charge pa loke ta aviashon sivil
– Atendé ku kambio di klima riba nivel internashonal,
– I hopi mas
Minister Charles Cooper ta traha, i pais Kòrsou ta gana! Pueblo por spera proyektonan grandi i interesante e aña aki, manera a bin ta kustumbrá pa loke ta trata VVRP.
