Promé Minister sr. Gilmar Pisas a tene su di dos reunion KU UNIDAT ORGANISASHON PENSHONADO BOU DI APC

Promé Minister sr. Gilmar Pisas a tene su di dos reunion

KU UNIDAT ORGANISASHON PENSHONADO BOU DI APC

 

Willemstad – Promé Minister sr. Gilmar Pisas a tene su di dos reunion ku Unidat Organisashon Penshonado Bou di APC dia 16 di yanüari 2024.

 

E unidat aki ta formá pa representante di e Sindikatonan di ABVO, UPAH (Union pa Adelanto i Hustisia), APT (Asosashon Penshonadonan di Telekomunikashon), APPK (Asosashon Penshonadonan Polisial Korsou) i MPK (Movementu Penshonadonan di Kodela).

 

Durante di e reunión a para ketu na diferente aspekto enkuanto indeksashon di “duurtetoeslag” i tambe a deliberá enkuanto responsabilidat pa karga ku gastunan di penshun na momento ku e ultimo dunado di trabou trabou pa un òf otro motibu no ta eksistí mas.

 

E Unidat a trese dilanti nòmber di diferente instansia di Gòbiernu ku no ta eksistí mas i a indiká ku nan lo kier papia riba e tema pa sa ken den futuro lo ta responsabel pa gastunan di penshun, “duurtetoeslag” i tambe indeksashon di esakinan.

 

E reunión a gana den bon esfera kaminda ambos partido por a trese nan puntonan di bista dilanti i a hasi e palabrashon pa pa bini hntu bèk dia 20 febrüari 2024,  kaminda lo pone mas minister i instansia huntu pa deliberá riba e tema aki i trese klaridat riba e temanan ku ta pendiente pa basta aña kaba.

 

Esaki ta un otro situashon ku ya basta aña kaba no tabata haña e atenshon i òf un posibel solushon nesesario.