Parlamento a kontinuá ku e di tres dia di reunion Públiko tokante tratamentu di e Presupuesto pa aña di servisio 2024 “Ontwerplandsverordening tot vaststelling van de begroting van Curaçao voor het dienstjaar 2024”.
Parlamento di Kòrsou
Parlamento a kontinuá ku e di tres dia di reunion Públiko tokante tratamentu di e Presupuesto pa aña di servisio 2024 “Ontwerplandsverordening tot vaststelling van de begroting van Curaçao voor het dienstjaar 2024”.
Djárason 24 di yanüari 2024, Parlamento di Kòrsou a kontinuá ku tratamentu di e Presupuesto pa aña di servisio 2024.
Durante e 5 kapítulonan ku a keda tratá awe, tur e ministernan enkuestion a kuminsá nan parti, ku kontestanan di e promé tanda. Despues miembronan di Parlamento a haña e oportunidat pa hasi pregunta den di dos tanda. Algun di e ministernan a kontestá e preguntanan hasí di di dos tanda, mesora.
E reunion a kuminsá ku kapítulo 13, ku ta kai bou di ministerio di Hustisia, kapítulo 16 di ministerio di OWCS, siguí pa ministerio di SOAW ku kapítulo 17. Alabes a trata kapítulo 12 di BPD i por último ministerio di MEO ku kapítulo 15.
E presupuesto ta un di e leinan mas importante di Pais Kòrsou. Pa medio di e lei aki, Parlamento por determiná kon Gobièrnu ta hiba su maneho pa e aña konserní, ku e fondonan disponibel di Pais.
