Petishon pa shofùrnan redusí velosidat riba e ruta di Karnaval
KOMUNIKADO DI PRENSA 041/2024
28 yanüari 2024
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Petishon pa shofùrnan redusí velosidat riba e ruta di Karnaval
E marchanan di Karnaval ta aserkando i ya kaba por tuma nota ku riba e ruta tin hopi
konstrukshon di ‘stellage’ ta tumando lugá tantu durante di dia komo den oranan di anochi.
Esaki ta riba kayanan ku durante otro temporadanan di aña shofùrnan ta move ku mas
trankilidat i riba un velosidat poko mas haltu.
Kuerpo Polisial ta hasi un apelashon na tur outomobilista, pa durante di e periodo aki, kore
ku mas koutela i redusí bo velosidat mas ku normal riba e kayanan ku lo ta e trayekto di e
marchanan.
Esaki debí ku tin trabounan di konstrukshon ta tumando lugá kantu di kaya i lo tin hopi
moveshon di hende na pia riba e kamindanan aki.
Si bo no ke keda pegá den tráfiko òf tin urgensia pa yega bo destinashon, evitá e kayanan
manera F.D. Rooseveltweg, Schottegatweg-West, Weg naar Welgelegen i Roodeweg mas
tantu posibel. Skohe pa rutanan alternativo ku tambe ta guia na bo destinashon.
Na mes momentu nos ke pidi esnan ku ta traha riba ‘stellage’ tambe pa tene kuenta ku e
trabounan mester tuma lugá di un forma responsabel riba asera i kaminda mester keda tur
momentu liber pa tráfiko.
Evitá di ta riba e parti di kaminda destiná pa vehíkulo motorisá i kòrda ku si bo ta bai den e
área ei ku muchanan chikí, pone bon atenshon riba nan, pa nan no deskuidá subi kaya.
Laga nos tur kopera, kuida nos mes i kuida otro pa no tin ningun situashon di lamentá

