Polisa digital bálido tambe ta komprobante di seguro
KOMUNIKADO DI PRENSA 042/2024
28 yanüari 2024
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Polisa digital bálido tambe ta komprobante di seguro
Algun aña pasá algun kompania di seguro a pasa pa introdukshon di polisa di seguro digital,
ku kua nan klientenan por proba na un punto di kontròl ku nan vehíkulo ta segurá.
E polisa digital aki ku ta kontené un ‘QR-code’, nan por tin’é sea den nan telefòn òf riba un
dokumento huntu ku nan den e vehíkulo.
Na momentu ku polis, konforme di lei pidi un shofùr su komprobante di seguro, e mester
por mustra esaki sea den su telefòn òf riba un dokumento di seguro.
E seguro mester ta bálido, sino e shofùr ta kore rísiko di haña un prosésverbal i te asta e
polis por opta ku e no ta laga e shofùr sigui kore ku e vehíkulo ei.
Shofùrnan di kua nan kompania di seguro no a produsí e dokumento aki digital, mester tin e
polisa tradishonal ‘hardcopy’ ku semper a konosé.
Den kaso di e polisanan digital ku ta kontené un ‘QR-code’, polis por skèn esakinan pa
verifiká e balides di e seguro òf por kontrolá esaki via di Sentral di Polis.
Importante ta, pa semper ku bo ta trafiká ku un vehíkulo riba kaminda públiko, bo ta
disponé di un seguro bálido, ku riba e promé petishon di polis, bo por mustra esaki.
