Hòmber detené pa enkubrimentu
KOMUNIKADO DI PRENSA 047/2024
3 febrüari 2024
Hòmber detené pa enkubrimentu
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 2 di febrüari 2024 alrededor di 18.05’or, Sentral di Polis a dirigí un unidat pa Kaya
Oswin Henriquez pa un kaso di enkubrimentu.
Na yegada di e unidat, un dama a konta polis ku algun dia pasá tabatin un kiebro na su kas
di kua el a hasi denunsia.
Riba facebook el a tuma nota despues ku malechornan tabata bendiendo su hèrmènnan.
Mesora e dama aki a mustra interés pa kumpra i a bin deskubrí su pertenensianan na e
adrès na Kaya Oswin Henriquez.
Na e sítio polis a detené e hòmber S.M.N.M. di 37 aña di edat nasé na Kòrsou pa
enkubrimentu, mientras ku a konfiská tur e artíkulonan hòrtá.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

