KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

TRABOUNAN NA LUSNAN DI TRÁFIKO NA KRUSADA ARUBASTRAAT / FREDERICKSTRAAT / HOOGSTRAAT

MINISTERIO KONSERNÍ TRÁFIKO, TRANSPORTE I PLANIFIKASHON URBANO

 

TRABOUNAN NA LUSNAN DI TRÁFIKO NA KRUSADA ARUBASTRAAT / FREDERICKSTRAAT / HOOGSTRAAT

PUBLIKÁ RIBA 03 FEBRÜARI 2024

Willemstad – Servisio pa Obra Públiko (OW) ta anunsiá ku entrante djaluna 5 di febrüari, e kontratista DCG Services ta bai hasi trabounan na e lusnan di tráfiko na áltura di krusada Arubastraat / Frederickstraat / Hoogstraat
Lo kambia e lusnan di tráfiko pa hasi nan lusnan LED. E trabounan ta kuminsá riba djaluna 5 di febrüari te ku 9 di febrüari. Lo traha entre 8.30am pa 11.30am di mainta, i di 1.30pm pa 4.30pm di mèrdia. Di e forma aki, ta trata na minimalisá e molèster pa tráfiko.
Esaki ta enserá ku e lusnan di tráfiko aktual lo ta for di servisio. Na momentu ku esaki ta e kaso, reglanan di tráfiko di un krusada ta vigente, i mester respetá bòrchinan di tráfiko.
OW ta pidi un i tur pa kore ku koutela durante e dianan aki i asina evitá aksidente.
639114718427035"
639114718427035"