KOMUNIKADO DI PRENSA 062/2024
10 febrüari 2024

Detenshonnan durante di Marcha di Tiner

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den kuadro di e maneho ‘Aktua Robes, Sintié Umbes’, polis a realisá tantu
promé, durante i despues di e Marcha di Tiner un kantidat di 12 detenshon.
Mayoria di e detenshonnan aki a tuma lugá riba F.D. Rooseveltweg. Algun riba
Weg naar Welgelegen i otro den Breedestraat (O).
Tabatin dos detenshon pa poseshon ilegal di arma di kandela, algun pa
violashon di e lei di opio, kore bròmer si hèlmu i buracheria públiko.
E dos sospechosonan ku tabatin arma di kandela a keda enkarselá i esnan ku
tabata burachi, a keda na warda te na momentu ku nan tabata sobrio bèk.
Tur esnan detené tabata di sekso maskulino i tabata varia entre 22 i 72 aña di
edat.
Ministerio Públiko a kobra Fls. 2095,- na transakshon, mientras ku un (1)
sospechoso a keda di dagfar.