Turista a pèrdè riba laman.
KOMUNIKADO DI PRENSA 072/2024
15 febrüari 2024
Turista a pèrdè riba laman.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 15 di febrüari 2024 alrededor di 14.30’or, Sentral di Polis a risibí informashon di
famia di un hòmber turista ku tabata landando na e playa di Porto Marie, ku diripiente nan
a pèrdè e hòmber aki for di bista.
E hòmber aki di 71 aña di edat ku a yega Kòrsou riba un barku di krusero, a bai landa ku
algun famia na e playa enkestion. Pero despues di un ratu ku e tabata den awa, nan a bin
sinti su falta.
Mesora nan a bati alarma i a kuminsá ku un búskeda huntu ku otro bishitantenan ku tabata
na e playa.
Sentral di Polis a dirigí tantu unidat di Barber i di Politur na e sitio. Tambe a pidi asistensia di
Wardakosta ku a yuda buska tantu ku boto komo ku helikòpter.
Te den oranan lat di atardi, e búskeda di e hòmber turista aki di nashonalidat Merikano a
kontinuá, pero sin e resultado deseá.

