Hóben ta kai for di boto ku a aksidentá i ta pèrdí
KOMUNIKADO DI PRENSA 075/2024
16 febrüari 2024
Hóben ta kai for di boto ku a aksidentá i ta pèrdí
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 16 di febrüari 2024 alrededor di 17.42’or, Sentral di Polis a dirigí un unidat polisial
i tambe Wardakosta pa Spaanse Water, pa dos boto ku tabata nabegando i a dal den otro.
Durante di e aksidente aki, un hóben maskulino di 16 aña a kai for di un di e botonan i te
ainda no por lokalis’é.
Tres otro persona ku a risibí leshon di menos gravedat a keda tratá pa personal di ambulans
na e sitio.
E aksidente aki ta keda investigá pa e instansianan konserní, mientras ku Wardakosta i polis
a buska e hóben riba laman te na momentu ku a bira sukú, pero te ainda sin e resultado
deseá.
