Detenshon relashoná ku maltrato i intento di asesinato
KOMUNIKADO DI PRENSA 074/2024
16 febrüari 2024
Detenshon relashoná ku maltrato i intento di asesinato
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 16 di febrüari 2024 alrededor di 12.21’or, Sentral di Polis a dirigí un unidat pa
kaya Koronel C. Winkel pa un aksidente di outo kaminda shofùrnan di ámbos vehíkulo
tabata bringando ku otro.
Na e sitio polis a bin topa ku e aksidente i dos hòmber ku tabata bringando. Polis a
intermediá entre nan i a para e pelea.
For di investigashon preliminar a sali na kla ku un di e shofùrnan aki a kore di tal forma, ku e
konsekuensia ku nan aksidentá. A kuminsá un diskushon fuerte entre e dos hòmbernan aki
ku a tèrminá den un bringamentu, di kua un di nan a risibí basta sla.
Polis a detené ámbos shofùr, e hòmbernan D.M di 24 aña di edat nasé na Kòrsou i A.Y.V.D
di 51 aña di edat nasé na Hulanda pa maltrato i intento di asesinato.
A presentá tur dos dilanti di un fiskal ouksiliar, ku a ordená enkarselamentu di D.M.,
mientras ku A.Y.V.D. a keda lagá den libertat despues di interogashon.
E kaso aki ta sigui den investigashon.
