NOS SELEKSHON NASHONAL MASKULINO U-20 LO PARTISIPÁ NA E CONCACAF UNDER 20 CHAMPIONSHIP KU LO TUMA LUGÁ DI 23 DI FEBRÜARI PA 2 DI MART 2024 NA GUATEMALA!
NOS SELEKSHON NASHONAL MASKULINO U-20 LO PARTISIPÁ NA E CONCACAF UNDER 20 CHAMPIONSHIP KU LO TUMA LUGÁ DI 23 DI FEBRÜARI PA 2 DI MART 2024 NA GUATEMALA!
E promé selekshon nashonal ku lo representá Kòrsou pa e aña aki lo ta nos selekshon maskulino kategoria U-20 ku ta praktikamente kla pa partisipá na e CONCACAF U-20 Championship aya na Guatemala. E kampionato aki lo tuma lugá di 23 di febrüari pa 2 di mart 2024 i ta konta ku partisipashon di 27 pais ku a keda repartí den 6 grupo di 5 òf 4 pais.
Nos selekshon ta forma parti di grupo C i lo enfrentá Aruba, Saint Martin, Barbados i e pais anfitrion, Guatemala. Nos promé partido lo tuma lugá dia 23 febrüari kontra Saint Martin, pa seguidamente nos topa Aruba dia 25 di febrüari, despues 27 di febrüari nos lo hunga kontra Barbados i nos último partido lo ta dia 2 di mart kaminda nos lo enfrentá Guatemala.
Nos selekshon ya tin algun siman ta praktiká i preparando pa saka kara di Kòrsou. Un grupo di 20 hungadó ta forma parti di nos selekshon nashonal maskulino kategoria U-20. E hungadónan aki ta hungadónan áktivo den Kampionato Hubenil i tambe kampionto FFK Promé ku Segundo Divishon pero tambe tin algun hungadó residensiá den eksterior ku a bin pa reforsá nos selekshon.
Nos selekshon ta wòrdu dirigí pa Dean Gorré ku ta wòrdu asistí pa Joël Victoria i Ruwendly Sumter komo entrenadó di portero. Clinton Leocadia i Luke Cattet ta e masahistanan miéntras dòkter Ramfis Fillet tambe ta kompañá e selekshon. Oliver Windster ta esun enkargá ku e materialnan di nos selekshon i e hefe di delegashon ta sr. Urvin Fanijte, miembro di direktiva di FFK.
E siguiente hungadónan ta forma parti di nos selekshon;
- Patrick Hook (Atletiko Saliña)
- Noah Calister (Atletiko Saliña)
- Tarino Marchena (Inter Willemstad)
- Sebastian van Woerkom Mejias (Inter Willemstad)
- Sovah Mongen (Inter Willemstad)
- Luigi Inesia (New Song)
- Cristian Pop (SUBT)
- Richaino Adamus Troeman (SUBT)
- Nasser Lahham (VESTA)
- Shuvienchêlo Hooi (VESTA)
- Dayrichson Hooi (RKSV Bekkerveld)
- Shermayn Rombley (SUBT)
- Jowendrick Kwidama (Jong Colombia)
- Leandro Merencia (FC Emmen)
- Rai-Jedemy Laveist (Sparta Rotterdam)
- Giordinelo Meulens (FC Utrecht)
- Nino Molenaar (Almere City FC)
- Isaiah Ahmed (SC Heerenveen)
- Jillian Bernardina (Nec Nijmegen)
- Damiënthly Bernardina (SC Herenveen)
Preparashonnan ta kanando den ful swing pa nos selekshon nashonal U-20 ku lo biaha próksimamente pa Guatemala.
Keda pendiente pa mas informashon…
16 febrüari 2023
