AMANDA VERKERK TA GANA PREMIO DEN SHOW PRELIMINAR I TA KLA PA KOMPETI DEN E SHOW FINAL DI MISS TEEN GRAND

AMANDA VERKERK TA GANA PREMIO DEN SHOW PRELIMINAR I TA KLA PA KOMPETI DEN E SHOW FINAL DI MISS TEEN GRAND

Willemstad – 21 februari 2024, Amanda Verkerk huntu ku un delegashon di Korsou a biaha pa Cartagena, Colombia pa asina representa Korsou. Durante e siman tabatin diferente aktividat pa nan por a konose Colombia pero tambe ensayonan pa asina por yega na e show final.

 

Na yegada Amanda Verkerk a sa di hala hopi atenshon i a bira un di e faboritonan pa gana e korona di Miss Teen Grand. Amanda a sa di lusi sublime i a representa dignamente lusiendo vestuarionan local i international durante e aktividatnan special.

 

Djadumingo ultimo tabatin e kombersashon ku hurado kaminda Amanda Verkerk a lusi tantu di paden komo di pafo i a hiba kombersashon na un nivel haltu. Mas lat durante e dia a tuma luga e parti importante di e certamen kual ta e show preliminar, kaminda Korsou i Romania ta e dos paisnan ku a hala hopi atenshon i a gana dos premio importante den e certamen. Amanda Verkerk a sa di gana e premio di Miss  Teen Grand miho kurpa i Elenna Toader di Romania ta gana Miss Teen Grand pianan mas bunita.

 

Djamars awor 27 februari lo ta e gran final i por sigui esaki via e pagina oficial di Miss Teen Grand Universo riba Facebook. Tambe por sigui tur pagina di QMQ Organization pa asina por hana e link pa disfruta di e show final.

 

Nos ta desea Amanda Verkerk tur klase di eksito.