ÚLTIMO DESAROYONAN RELASHONÁ KU DIREKTIVA DI FFK!
ÚLTIMO DESAROYONAN RELASHONÁ KU DIREKTIVA DI FFK!
Pa medio di e komunikado aki direktiva di FFK ta informá tur su miembronan ku entrante awe, djaluna, 26 di febrüari 2024, direktiva di FFK no ta gosa di un mayoria mas pa forma “quorum”. Te ku awe parti mainta sra. Constansia a hiba kombersashon ku presidente di FFK, sr. Griffith ku a puntr’é pa rekonsiderá su posishon, pero lastimamente durante oranan di mèrdia a opta pa tuma su retiro tòg.
Konforme e proseduranan stipulá, FIFA a keda informá kaba. Direktiva di FFK a hasi un invitashon na tur su miembronan na un reunion ekstraordinario pa djárason próksimo, 28 di febrüari for di 7’or di anochi pa papia di e último desaroyonan rondó di esaki, pendiente e reakshon di FIFA tambe.

