Karta di FIFA en konekshon ku proseso elekoral.
Kerido señor Griffith,
FIFA a keda informá di e retonan ku Federashon di Futbòl di Kòrsou (FFK) ta konfrontá den su proseso elektoral, spesífikamente den kumpli ku e Statuto i Kódigo Elektoral relevante di e miembro asosiá.
A base di e retonan aki, FIFA aktivamente a opta pa duna sosten i konsulta na e organonan pertinente involví den e proseso aki. Nos ta referí spesífikamente na e dos reunionnan ku a tuma lugá dia 23 di yüli 2024 entre FIFA, Concacaf i e Komishonnan Elektoral i di Apelashon di FFK. Durante e reunionnan aki, kada komishon a duna klarifikashon di e situashon aktual.
A base di e interkambionan aki, nos a identifiká diskrepansianan den e desishon i e aplikashonnan di e Statuto i reglanan relevante di FFK. Spesifikamente, e komishon di apelashon ainda tin ku duna nan desishon ful riba e apelashon en kuestion.
Pa garantisá ku e elekshon por sigui segun e prinsipionan di proseso i e reglanan statutario di FFK, FIFA i Concacaf ta ordená FFK pa posponé e kongreso elektoral ku ta programá pa tuma lugá dia 27 di yüli 2024 próksimo, pa un fecha posterior. E posponementu aki lo duna e organonan relevante di FFK, bou di guia di FIFA i Concacaf, e oportunidat pa determiná e siguiente pasonan di e proseso elektoral. Adishonalmente, e lo duna e komishon elektoral e tempu nesesario pa hasi un análisis mas kompletu i pa tuma un desishon apropiá.
Danki pa tuma nota di loke a skibi aki i nos ta pidi pa manda e desishonnan kompletu di e komishon di apelashon pa nos por evaluá e dokumentashon i duna guia adishonal na FFK.
Saludo,

