Petishon pa doñonan di vehíkulonan konfiská tuma kontakto ku polis
KOMUNIKADO DI PRENSA 100/2024
28 febrüari 2024
Petishon pa doñonan di vehíkulonan konfiská tuma kontakto ku polis
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Algun siman pasá, Kuerpo Polisial a publiká aviso den algun korant lokal i a pone riba su
página di facebook, pa esnan ku tin un vehíkulo konfiská dor di polis òf ku polis a kita for di
kaya pa un òf otro motibu, pa tuma kontakto ku polis na e numbernan di telefòn 7246138
òf 7246073. Riba e yamada aki un kantidat limitá di doñonan di vehíkulo a reakshoná.
Polis ta bolbe ekstendé un oportunidat pa yama, pa asina ei atendé ku bo vehíkulo ku ta
den kurá di warda.
Por yama e numbernan ariba menshoná òf e number di selular 6740167. Por whatsapp
tambe riba e number aki.
E lista di numbernan di e vehíkulonan di kua e doñonan mester tuma kontakto ku polis ta
aparesé riba facebook i Instagram di Kuerpo Polisial Kòrsou.
Si bo vehíkulo a wòrdu kita i wardá dor di polis i number di bo vehíkulo no ta aparesé riba e
lista, tambe bo por tuma kontakto ku polis.
Doñonan di vehíkulonan tin te ku dia 8 di mart 2024 pa reakshoná riba e yamada aki.
