Minister Shalten Hato ta gana kaso den kuadro di Integrashon Responsabel
Minister Shalten Hato ta gana kaso den kuadro di Integrashon Responsabel
Kòrsou, 29 di febrüari 2024
Na Mart 2021, Ministerio di Hustisia a implementá e maneho di Integrashon Responsabel, den kual a
duna diferente persona ku tabata permanesé di forma illegal riba nos isla i ku no tabata tin nan
dokumentonan legal reglá, e posibilidat pa por a hasi uso di un periodo kòrtiku pa legalisá nan mes.
Den kuadro di e trayekto aki, vários tabata esnan ku a lográ di legalisá riba Kòrsou, pero algu mas ku
200 persona no tabata di akuerdo ku e kriterianan ku nan mester a kumplí kune pa legalisashon riba
nos isla. Esaki a desaroyá den un kaso den Korte di Hustisia, den kual den Korte di Prome Instante
nan a haña rason riba algun punto. Sinembargo, despues di a studiá e kaso aki ku intensidat, Minister
di Hustisia, mr. Shalten Hato a optá pa apelá e promé sentensia i ayera 28 di febrüari 2024, Korte a
duna Minister di Hustisia e kaso ganá den kuadro di e maneho di Integrashon Responsabel.
Minister di Hustisia, a mustra korte ku e indokumentadonan durante tratamentu den Korte di Prome
Instante tabata tin vários prueba ku ta dudoso. Tambe a indiká ku e persona(nan) tabata papia di
kòntraktnan di trabou ku nan tabata tin riba nos isla, pero ku ta a ápenas algun dia promé ku e kaso
den korte esakinan a keda sera i no tabata un kontrakto konfiabel den e proseso.
Minister di Hustisia atrabes di e maneho nobo, a bogá pa integrashon responsabel den komunidat
kaminda e persona por a legalisá solamente na momentu ku e por a demostrá su dokumentonan di
trabou legal, forma di mantenshon i okupashon legal i tambe tabata kumplí ku tur demas kriterionan
di e maneho stipulá. Den kuadro di esaki, Korte a tuma nota di pruebanan ku a ser presentá di parti
di Minister di Hustisia i a indiká ku e 10 persona- ku ta representá e un tiki mas ku 200 personanannan ku a entamá e kaso aki kontra di e maneho di Minister di Hustisia no ta haña rason i ta pèrdè e
kaso kontra Minister di Hustisia.















