Fundashon Kultural Seú Kòrsou ta organisa dia 5, 6, 7, & 9 di mart proksimo e kompetensia Kantandó Mayó.
Fundashon Kultural Seú Kòrsou ta organisa dia 5, 6, 7, & 9 di mart proksimo e kompetensia Kantandó Mayó.
Manera ya a bira un tradishon lo bai tin e kompetensia maksimo di nos musika kultural den e lokalidad di Tennis baan na Mundu Nobo pa e di 2 anja konsekutivo. ‘Stakeholders’ nan a duna informashon di e parti di logistika na e habitante nan di Mundu Nobo. A duna oportunidat pa habri kanalnan di komunikashon pa e por klarifika aspektonan logistiko pa e siman di kantado Mayó.
Presente tabata:
Directorate di Brigada Rachel Hawker
Rep. Di komishon Mundu Nobo y Federashon di Otrabanda – Sullimar Haard
Sharise St Jago -Directora Speedy Security
Sr. Regina – polis
Sr. Daal – polis
Sr. Derick – Brigada
Pa loke ta trata benta di karchi di Kantadó Mayó, lo bai tin dos speshal ‘gimmick’ pa benta di karchi na dos lokalidat 1. Lovers na Sambil y 2. Licores Maduro. Djabierne atardi na e lokalidat di Lovers na Sambil lo bai tin un kantidat limitá di karchi na balor di 50 florin pa package entre 6pm pa 8pm , Ora esaki nan kaba, lo tin package di 75 florin pa package na benta. E sigiente dia na Licores Maduro, lo bai tin un kantidat limitá di karchi pa 60 florin pa package. Ora esaki nan kaba, lo tin package pa 75 florin na benta. Despues di esaki, lo tin karchi na diferente punto di benta : Mensings Caminada, 24 uur uit de muur, Tennis baan djaluna entre 4pm -7pm
Orario ke e kompetensia di Kantadó Mayó lo ta 7pm pa kaba prome ku 12 or. Lo tin parkeo riba veld dilanti Tennis baan Mundu Nobo y tambe na rif ku bus pa fasilita e bishita te pa yega Tennis Baan. Seguridat ta na enkargo di Speedy Security paden y pafo di Tennis Baan.
Pueblomdi Kòrsou ta keda invitá pa bin apoyá nos hobennan y nos Kultura!!!
Bario di Mundu Nobo a habri su porta pa nos, ban kopera y no Parker vehikulo pa loko, sigi direkshon di Parker y yuda tene e area limpi, pa otro anja nos por ta bon bini atrobe ku e evento magno aki.
Fundashon Kultural Seú Kòrsou
