Kòrsou ta konose 10 kandidata pa Miss Universe Curaçao 2024
WILLEMSTAD – 1 di mart 2024 – Despues di algun aña eksitoso, kaminda Kòrsou a posishona su mes entre e 20 finalistanan, entre 10 finalistanan y tambe den tòp 5 damanan di mas bunita i talentoso di universo, e organisashon enkargá Curaçao Beauty Pageant Committee a presenta den e sala di “Chateau Post 5”, e 10 kandidatanan pa e sertamen Miss Universe Kòrsou 2024.
Tabata un anochi ameno den presensia di un grupo selektá, ku famia, spònsòrnan i medionan di prensa.
Manera ta konosí, e organisashon di Miss Universo tin un maneho kompletamente nobo, kual a adapta reglanan pa amplia i promove inklushon di mas perfil di e hende muhe komo partisipante. Esaki for di aña pasá tambe ta konta pa Kòrsou, pues ku posibilidat di partisipashon di damanan kasá, damanan na estado, damanan ku ta mama i transgénero; sin restingshon di edat ni peso fisiko.
e 10 Partisipantenan pa Miss Universe Curaçao 2024 ta:
- (#1) Ryanne Busropan
- (#2) Tiara Sluis
- (#3) Shahaira Osepa
- (#4) Kimberly de Boer
- (#5) Milayne Simon
- (#6) Jesmelys Zink Angelista
- (#7) Luigina Andreina Marti
- (#8) Saïde Carvajal
- (#9) Liandra Lindeborg
- (#10) Aleez van Eenenaam
Mes ora trabounan di preparashon fuerte a kuminsa pa forma e kandidatanan aki den e proksimo 3 lunanan ku ta na kaminda.
Preparashon ta inklui seshonnan di dominio di pasarela i esenario, konosementu general i turismo, komunikashon, protokòl i etiketa i hopi mas.
Curaçao Beauty Pageant Committee ta desea nos 10 kandidatanan suerte i alaves ta invita pueblo di Kòrsou pa sigui apoya e desaroyonan rondó di e sertamen Miss Kòrsou 2023 via pagina di faceBook ‘Curaçao Beauty Pagant Committee’ i instagram www.instagra.com/cbpc_official
