IBT na empleadonan di Sentro di Detenshon i Korekshon Kòrsou a kuminsá

E siman aki a marka un komienso importante pa e team di Sentro di Detenshon i Korekshon Kòrsou (SDKK), ya ku nos a start e promé lèsnan di Instrukshon di Abilidatnan Profesional (IBT). IBT ta enfoká riba e uso kuidadoso, responsabel i den proporshon di e ekiponan ku empleadonan mester manehá den situashonan kaminda ta nesesario husa forsa.
E meta di e lèsnan aki no ta solamente pa tin e konosementunan práktiko, pero tambe pa ekipá nos studiantenan ku e proseduranan i téknikanan ku nan mester apliká den trabou. Na ORV nos ta komprendé e importansia di training di kalidat haltu i nos ta kontentu di por konta ku dosentenan di trajektoria largu manera señor Muller i señor Martina. Ambos ta dosenan kualifiká ku un rikesa di eksperensia i konosementu, kua nan ta kompartí ku empleadonan di SDKK pa prepará nan pa e desafionan ku nan lo haña den trabou.
E kolaborashon entre Sentro di Detenshon i Korekshon Kòrsou (SDKK) i ORV ta elevá e kalidat di entrenamentunan. E sekshonnan di entrenamentu ta ser kompartí ku señor Geertruida i señor Lucas, dos di e instruktornan mas renombrá di SDKK.
Nos ta mira e impakto positivo ku e training aki lo tin riba tantu e empleadonan di SDKK komo e komunidat ku nan lo sirbi. Nos ke animá e studiantenan pa saka máksimo probecho di e esperiensia edukativo i úniko aki i ta mira kresementu i desaroyo komo resultado.
ORV ta representá práktikanan líder den e sektor aki, ku un fuerte enfoke riba entrega di servisionan di kalidat haltu i garantisando e seguridat i bienestar di tanto nos studiantenan komo e komunidatnan ku nos ta sirbi. Pa invertí den e desaroyo profesional di nos personal, nos ta hasi tur kos pa ta e mihó den nos sektor.
Pa mas informashon, por fabor tuma kontakto ku nos.