KOMUNIKADO DI PRENSA 119/2024
9 mart 2024

Kas ta kima

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djabièrnè 8 di mart 2024 alrededor di 17.32’or, Sentral di Polis a risibí informashon ku un
kas den Kaya Regenboog tabata na kandela.
E promé unidat ku a yega na e sitio a konstatá ku ya e kas tabata kompletamente na
kandela i ku no tabatin ningun habitante den e kas.
Brantwer ku tambe a yega na e adrès, a paga e kandela di loke ku a sobra di e kas.
For di investigashon a sali na kla ku nèt na momentu ku e kas tabata na kandela, e dama
doño di e kas tabata na warda di polis di Otrobanda pa hasi denunsia di un kaso di menasa kontra un hòmber.
Tin e sospecho fuerte ku ta e hòmber aki a pega e kas na kandela i e ta wòrdu buská pa polis.
Na e adrès polis a konfiská un vehíkulo di e sospecho, pa mas investigashon.