Women’s Steering Committee Curaçao ku selebrashon spiritual i sosial riba Dia di Hende Muhé
WILLEMSTAD – Women’s Steering Committee Curaçao (WSCC), riba Dia Internashonal di Hende Muhé, a reuní huntu ku representantenan di organisashonnan afiliá na WSCC, invitadonan spesial i komunidat durante un Santu Sakrifisio di Misa ofisiá pa Pastor Curtis Meris.
Despues di misa tabatin un enkuentro informativo i sosial na Kas Parokial Maria Auxiliadora. Durante di e enkuentro aki tabatin un diskurso di Gobernador Lucille George – Wout, e presidente di Women’s Steeering Committee, sra. Mirieta lourens – de Lanoy, sra. Alba Chatlein, sr. Curd Evertsz i Ronny Cornelis. Entre e invitadonan spesial tabatin Minister Cithree van Heydoorn, kende a presentá un diskurso elokuente. Alabes tabata presente Minister Ruisandro Cijntje.
Despues di e diskursonan a efektuá entrega di rekonosementu, na 10 organisashon di Hende Hòmber, i personanan di sekso maskulino, ku pa años a bin ta hasi trabou boluntario di gran balor pa nos komunidat. E representantenan di e organisashonnan a risibí den forma di un obra d arte krea pa sr. Giovanni Abath, 7.1.
Direktiva di WSCC a tuma e desishon pa e aña aki duna rekonosementu na organisashonnan di hende hòmber basá riba e yamada di Nashonnan uní pa mas inklushon den komunidatnan. E akto alabes mester duna un señal ku ta hòmber i muhé mester uni forsa pa traha na progreso di nan famia, gobièrnu, organisashonnan i komunidat en general.
E organisashonnan i personanan ku a risibí rekonosementu ta: EnpowerMEN, Stanley Ignacio, Yves Cooper, Curd Evertsz, The Distinguished Gentlemen’s Ride, JCI Klik, Ride for the Roses, Grupo hòmbernan den fortalesa den Kristu, Grupo San Thomas, i Fundashon E Hòmbu.
Women’s Steering Committee Curaçao, e aña aki ta selebrá 50 aña di eksistensia i lo tin diferente aktividat previo na e selebrashon grandi dia 15 di Òktober 2024.
Fundashon Hòmbu
Pasombra e ta un nesesidat:
E nesesidat mas grandi di mundu ta pa por tin hòmbernan ku no por wòrdu bende ni kumpra; hòmbernan ku lo ta sinsero i honrado te den e parti mas íntimo di nan alma; hòmbernan ku no ta teme pa yama pika na su nòmber; hòmbernan ku nan konsenshi ta asina leal nan deber, meskos ku (manera) e angua di e kompas ta na nort ; hòmbernan ku ta mantené nan mes na banda di hustisia maske shelu bin abou. {ED98 57.3}
Mishon:
Fundashon Hòmbu tei pa Instruí, Kapasitá i Inspirá e hende hòmber di un forma integral, pa e por kumpli ku e enkargo ku SEÑOR Dios a dun’é.
Vishon:
Hòmbu ku lo ta bon Instruí, Kapasitá i Inspirá pa aktua den e temor di Dios, den nan hogar, iglesia, i komunidat.
