TRABOUNAN DI MANTENSHON RIBA KRUSADANAN KU TA KONEKTÁ KU GOSIEWEG
MINISTERIO KONSERNÍ TRÁFIKO, TRANSPORTE I PLANIFIKASHON URBANO
TRABOUNAN DI MANTENSHON RIBA KRUSADANAN KU TA KONEKTÁ KU GOSIEWEG
PUBLIKÁ RIBA 12 MART 2024
Willemstad – Minister Charles Cooper huntu ku Servisio pa Obra Públiko (OW) ta informá ku entrante djarason 13 di mart próksimo, trabounan di mantenshon ta bai tuma lugá riba e krusadanan ku ta konektá ku Gosieweg for Monreposweg te ku Topekaweg.
E trabou aki ta konsistí di raspa i kita asfalt bieu, i pone un kapa di asfalt nobo. Kontratista Curaçaose Wegenbouw Maatschappij ta enkargá ku ehekushon, i e trabounan lo tin un durashon di 3 dia. Orario di trabou lo ta di 8or di anochi pa 5or di mainta.
Durante ehekushon di e trabounan aki, habitantenan i negoshinan ku ta keda den e kaya aki por yega nan kas of establisimentu normalmente. Pa otro outomobilistanan ku sa hasi uzo di e karetera aki pa algun otro motibu, lo tin ruta alternativo ku lo wòrdú guiá pa bari oraño i bòrchinan.
OW ta hasi un apelashon na tu outomobilista pa kore ku koutela.
