KOMUNIKADO DI PRENSA 139/2024
16 mart 2024

Kuater detenshon pa violashon di lei di arma di kandela

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 16 di mart 2024 alrededor di 02.50’or, un unidat di U.S.T. ku tabata patruyando
riba Scharlooweg a tuma nota di un vehíkulo ku tabata pará riba kaya den kua tabatin
kuater hòmber.
Na momentu ku nan a nota presensia di polis, nan a kuminsá aktua sospechoso i polis a
someté nan na un kontròl.
Durante di kontròl den e vehíkulo, polis a bin enkontrá un revolver .38 special kargá i a
konfiská esaki i tambe e vehíkulo den kua nan tabata.
Na e sitio a detené e hòmbernan:
T.F. di 17 aña di edat;
M.S. di 27 aña di edat;
M.M.P. di 34 aña di edat;
L.L.W. di 18 añadi edat, tur nasé na Kòrsou, pa violashon di lei di arma di kandela.
A presentá e kuarteto dilanti di un fiskal ouksiliar, ku a ordená su enkarselamentu
pendiente di mas investigashon.