Proyekto Nelly Clarinda – Kock: Resientemente minister di Enseñansa, Siensia, Kultura i Deporte (ESKD) sr. Sithree van Heydoorn a topa ku un total di 21 studiante di MBO Bonaire/SGB (Scholengemeenschap Bonaire) na Kòrsou .
WILLEMSTAD – Resientemente minister di Enseñansa, Siensia, Kultura i Deporte (ESKD) sr. Sithree van Heydoorn a topa ku un total di 21 studiante di MBO Bonaire/SGB (Scholengemeenschap Bonaire) na Kòrsou . E alumnonan di e skol MBO Bonaire/SGB a bin Kòrsou ku e meta pa presentá nan proyekto aki. Nan ta den e último aña di estudio den e área di kuido & bienestar i deporte & rekreashon. Bou di guía di nan dosentenan na tin un proyekto: “Nelly Clarinda – Kock: Adoptá un hende grandi”. E meta di e proyekto ta pa e alumnonan pasa por lo ménos 1 ora pa luna ku un persona mayor. Durante di e bishta nan ta kombersá, entretené i dialogá ku e persona.
Nan ta keda guiá pa un tim di lidernan di e skol mes ku ta: Dietrich Winklar, Suzy Bergland-Balentin, Guilluama Coffie, Tom Verbeek, i Eric Koeks. Minister a keda sumamente kontentu ku e bishita i a indiká di bai traha ku un skol sekundario aki na Kòrsou riba e proyekto similar ku esaki i huntu ku e skol sekundario MBO Bonaire/SGB.
Minister di ESKD sr. Sithree van Heydoorn ta yama: Angelly Wijman, Carlina Winklaar Lebron, Genesis Pichardo Martinez, Juleisy Alberto, Kelis Courtar, Leantely Mary Winklar, Manuel de Leon Briceño, Maria Largo Marin, Mary-ann Bernadina, Naomie Leonora, Sergina Bryson, Sharsmely Samson, Shjandra Havedings, Sujayley Muller, Angelo S. B. Cicilia, Yamir A. Rojas Anccalle, Kamila Azuaje Aguilar, David Picahardo Mendoza, Denssy Solano, Elionard Janga i Samuel Gomez Hincapie danki i pa e bunita atardi.