QMQ Organization ta yama danki na Rutvièna Rosalina i Ayannah Meyer pa a representá Kòrsou na Miss Teen Universe 2024.
QMQ Organization ta yama danki na Rutvièna Rosalina i Ayannah Meyer pa a representá Kòrsou na Miss Teen Universe 2024.
Willemstad – Queen Making Queens (QMQ) organization ta yama danki na su dos último representantenan ku a representá Kòrsou internashonal. Rutvièna Rosalina i Ayannah Meyer a biaha pa Punta Cana Republica Dominicana pa representá Kòrsou na e sertamen hubenil mas grandi, esta Teen Universe i nan a representa Korsou den e kategorianan Miss Teen Universe Petite i Miss Pre Teen Universe 2024.
E aña aki ta e promé biaha ku QMQ Organization ta traha ku e organisashon di Teen Universe i ta orguyoso di por forma parti di esaki. Komo organisashon nos a siña hopi. Apesar ku Korsou no ta gosa di un bon nomber serka e organisashon aki, dor di mal experiensia ku nan tabatin ku otro organisashon nan di Kòrsou den pasado, QMQ ta determina pa sigui traha ku Miss Teen Universe i drecha e nomber di Kòrsou. Ku e presentashon ku nos dos representantenan a duna e aña aki, nos ta sigur ku ya a keda un bon impreshon atras.
E aña aki Teen Universe a selebrá e di 13 edishon ku a konta ku un total di 50 partisipante den tres kategoria, hasiendo esaki e sertámen hubenil mas grandi i importante di Universo. QMQ a kompetí den dos kategoria i a duna un tremendo presentashon durante hinter e siman. Durante e siman tabatin diferente produkshon di potrèt i video. Tambe tabata tin e show di trahe nashonal i tambe e show preliminar kual por a difsruta di e transmishon live via di facebook i youtube. E show final tambe a wordu transmiti live i a konta ku un enesario espectacular i nivel hopi haltu.
Rutvièna Rosalina i Ayannah Meyer a lusi espektakular durante kada salida i QMQ organization ta orguyoso di nan trabou. Na yegada na aeropuerto nan a wordu risibi dignamente dor di QMQ Organization.
Ku esaki QMQ Organization ta sera e temporada ofisial di sertámen nan internashonal i ta yama danki na tur su representantenan ku a sa di saka kara internashonalmente. E representantenan ta: Angelli Meyer, Amanda Verkerk, Liyanne Hoevertsz, Zheenha Aniseto, Rutvièna Rosalina i Ayannah Meyer. Danki pa boso trabou duru, disiplina i dedikashon. Danki pa ta ehèmpel pa nos hóbennan. Danki tambe na tur nos mayornan, spònsernan i hinter e tim di QMQ Organization pa hasi e temporada internashonal posibel. Pronto QMQ Organization lo kompartí tur informashon pa e temporada lokal ku ta na kaminda.
