Detenshon relashoná ku ladronisia di vehíkulo

KOMUNIKADO DI PRENSA 153/2024
27 mart 2024
Detenshon relashoná ku ladronisia di vehíkulo
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di ladronisia di vehíkulo ku a tuma lugá entre 3 pa 4 di yanüari 2024
na Bapor Kibrá na altura di un restorant, djárason 27 di mart 2024 e tim ku ta enkargá ku
investigashon di ladronisia di vehíkulo, a realisá un detenshon.
Alrededor di 06.30’or e tim en kestion konhuntamentu ku UST a bai na un adrès den Sans
Souci i a hasi detenshon di e hòmber W.S.D. di 28 aña di edat nasé na Kòrsou.
Despues di su detenshon a tene entrada hudisial na e adrès ariba menshoná.
A presentá e sospechoso dilanti di un fiskal ouksiliar, ku a ordená nan enkarselamentu
pendiente di mas investigashon.
