Kaso di atrako ku detenshon.

KOMUNIKADO DI PRENSA
366 / 2019
12 sèptèmber 2019
Kaso di atrako ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 12 di sèptèmber 2019 alrededor di 16.28’or, Sentral di Polis a risibí notifikashon di
un kaso di atrako ku tabata tumando lugá den un toko riba Cubaweg. Dos hòmber tur na
pretu bistí ku arma di kandela a drenta e establesimentu i bou di menasa a bai ku plaka
kèsh. Despues di nan akto nan a drenta un vehíkulo i bai for di e sitio. Alrededor di 16.33’or
otro notifikashon ta drenta na Sentral di Polis ku na un toko riba Sto. Domingoweg un
atrako tabata tumando lugá. Deskripshon di e sospechosonan ta kuadra ku esun di e dos
hòmbernan ku un ratu promé a atraká un toko riba Cubaweg. Unidatnan polisial a kuminsá
ku un búskeda den e área di Buena Vista i a señalá un hòmber tur sodá banda di un
vehíkulo den Carriacouweg i un otro hòmber ku na momentu ku a mira e unidat a kuminsá
kore. Polis a los tiru di advertensia pero e sospechoso aki a sigui kore. Na e sitio den
Carriacouweg polis a detené e hòmber sospechoso L.B.A.E. nasé na Kòrsou di 26 aña di
edat i a konfiská e vehíkulo. Kontinuando ku e investigashon despues di un persiguishon
polis a detené e otro sospechoso ku a kore bai den área di Heintje Kool. Ta trata di e
hòmber R.M. nasé na Kòrsou di 23 aña di edat.
Den Biminisweg polis a lokalisá e vehíkulo ku probablemente e sospechosonan a usa pa
kometé e atrakonan ariba menshoná. Den e vehíkulo polis a haña i konfiská kaha di plaka i
algun paña. Tambe polis a konfiská e vehíkulo pa mas investigashon.
A presentá e sospechosonan dilanti un fiskal ouksiliar ku despues di interogashon a ordená
nan enkarselamentu pendiente di mas investigashon.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: